فبراير
16
تدوينة اليوم عبارة عن مجموعة صور لغروب الشمس قمت بإلتقاطها بعد عيد الأضحى الأخير بأيام على شاطيء إحدى جزر ماليزيا ..
إليكم الصور، ولمشاهدتها بحجم أكبر الرجاء الضغط عليها ..
تحياتي 
الوسوم : Nikon D60, تصوير, جزيرة لنكاوي, شواطيء, صور, غروب الشمس
السلام عليكم ورحمة الله وبركاته
بارك الله فيك اخي منير ، صور جميلة جدا …لك جزيل الشكر وفي انتظار جديدك
اختك لوف مون
مشاء الله عليك يامنير صور في غاية الروعه
والصراحه الغروب مشاء الله
صحيت وزيدنا من جديدك ديما
@ love moon :
وعليكم السلام ورحمة الله وبركاته
الأخت لوف مون، فيك بارك الله، وأشكر لك متابعتك المستمرة للمدونة ولتعليقاتك المشجعة ..
كوني قريبة
@ محمد :
أنست يا ولدي وتسلم على كلامك اللي يفرح ..
والغروب ما شاء الله بكل تأكيد لأنه خلق الخالق عز وجل
دمت بخير
يامنير ابعتلي دعوة توا نجيك انا وفريق التصوير ونجيبوا معنا كامير فيديو ونصوروا فيلم رومنسي 
هههه
صحيت يامنير علي الصور الرائعة
ما شاء الله الصور أخي منير ..
وأكثر صورة عجبتني فيهم الصورة الرابعة ..
بالتوفيق يا مان وديما ورينا جديدك وتوا نتفاهمو في الجديد وانت عارف 
شن الجو , والله شي كتير باهي يا راس عنجد الصور كتير حلوه والي اخذ الصور احلي
حبيبي
يا بروووووووووووووووووووو
الســــــلام عليــــــــكم و رحمة الله و بركـــــــــاته
مشكووور خوى منير على هاده الصور الرائعه و الجميله
قصدى الصور فى غاية الروعه مش مجامله منى يعنى
فى انتظار جديدك ….
S@MI 
بالعربي …………غيبه الغسق
English……………twilight
بحروفي……………..ابداع بلا حدود
تبارك الرحمن
منظر الغروب جميل والاجمل عدستك يا منير اللى قدرت تلتقط اجمل اللحظات بهذا الشكل الجميل .
بجد منظر رائع .
@ pg4soft :
أبعتلي عينة من تصوير سابق ليكم وحاضر تبعتلك دعوتين شن رأيك عمي حسن
سلمك ويكثر من أمثالك
@ أبو النيب :
الحمد لله بخير يا عزيزي، كيف أنت والإمارات والعالم معاك؟ إن شاء الله تمام
تشرفنا بمرورك يا برو ونورتنا بطلتك وكلماتك
@ سامي :
وعليكم السلام ورحمة الله وبركاته
هذا من ذوقك عزيزي، وديمة تعال هدرز مش لما في صور بس 
@ عزيز :
صاحب التعليقات الـ ( غريبة ) دائماً والجميلة بالطبع، أشكر لك طلتك وحسك الفني الرائعين
@ ياسر :
ما من شيء خلقه سبحانه وتعالى إلا وبه من الغموض والإبداع بلا حدود، فسبحانه الخالق المصور ..
أسعدني وجودك وأفرحتني كلماتك
منير فنان وانا لا اعلم ؟؟؟
منير سلمت ايديك الصورة فى غاية الجمال وخصوصا الصورة 1 و 4 ابدعت
تقبل مرورى
وخيتك مى
تبارك الرحمن يا منير صور جميلة كلها روعة
برافو برافو
منير لو سمحتلي بناخد كوبي ع الصور الرابعة والخامسة لو سمحت انتظر الاذن من حضرتك
ومرة مرة خليك هكي ورينا ابداع تصويري
@ may :
أنت تقولي فنان وإلا لا صح .. أنا نقولك مازال مبتدئ، ومع الوقت ممكن يصير مني ونبدأ فنان
الله يبارك فيك أخت مي وأشكر لك مرورك وتشجيعك
@ نسيم :
أنت الأروع أخت نسيم ( صح أو لقب نسيم ليبيا بس على فكرة ) ..
تفضلي الصور صورك، وأهم شيء ورينا كيف بتستعمليهم لو كان تصميم مثلاً ..
بعون الله لو في حاجات جديدة راح تكون على حائط المدونة ..
كوني قريبة 
حتى أنا جيت…معليش جاية تأخير 
عجبوني الصور منير…خاصة 1 و 4..والأخيرة حلوة حتى هيا ” باش ما تقولش مي اني ننقل منها والا حاجة ”
بجديات حلوات الصور ويشجعو الواحد يتعلم التصوير بطريقة صحيحة…المشروع هادا قيد الدراسة ليه سنوات…كل مرة نقول بنبدا…والبداية بتكون بهلبة حاجات… الأول نبي كاميرا “كويسة” والتاني نبدا نقرا ونشوف مراجع ومواضيع تساعد ” بحكم انه ما فيش دورات متخصصة في ليبيا” لكن وخيتك ما زالت في مرحلة قبل البداية…كل اللي قدرت عليه اني كل ما نلقى موضوع في النت نديرله “save as” وندسه على غير طريق..بالكي لعل وعسى نحتاجه في يوم من الايام
ملاحظة على الهامش: مش ملاحظين إن دوتي هلبة؟ 
@ ليبية :
” أن تصل متأخراً خير من أن لا تصل أبداً ” .. حمداً لله على السلامة، تبدين مرهقة من بعد الطريق من ووردبريس إلى هنا
أسعدت بثنائك على ما إلتقطته عدسة كاميرتي، ومعاش تنقلي من مي مرة ثانية
لا أثني على نفسي أو أوجه الكلام لشخصك ليبية، ولكن التصوير مثله مثل أي فن آخر، يولد مع الإنسان وحتى لو تعلمته من أهل العلم فدائما وأبداً يبقى هناك الحس الفني ناقص بعض الشيء ..
عن نفسي، أكثر من 700 يوم وأنا أستعمل هاتفي النقال في التصوير ولا يُمل، إلى أن وجدت نفسي أقتنى دلوعتي Nikon D60 وبدأت معها هذه الرحلة وهناك الكثير لأتعلمه بكل تأكيد ..
هذه المرة الكلام موجه إليك: إذا الهواية وحب التصوير موجودين، فإقتنى لك كاميرا، وخوضي المغامرة، الدروس وما تحدثي حوله يأتي بعد إتقان إستعمال آلة التصوير وتعلم أساسيات معينة بنفسك.
وبخصوص الملاحظة: قالتها يوم ليبية على جدار صفحات مدونتها
I do admit that I AM A TALKATIVE! You’ve already noticed that I guess
ما شاء الله عليك ، يعطيك الصحة ، اللى يعجبني فيك أنك تصور في لقطات صعب أنه الواحد يحصلها ، زي اللقطة متاع الحمامة اللي كيف طالعة بجناحاتها
طبعا الصورة الأولى ماليهاش حل ، وياريتها كانت اكبر من هكي ..
يعطيك الصحة وما تعطلش علينا هلبة ، خلي صبعك على الزناد
خارج النص << اما سمايلات الورد برس قداش باردة 
ايه علينا عاد…علاش” تكسير المجاديف” هادا على رأي المصريين؟ 
باهي توة من قال ان ما عنديش بوادر موهبة فنية عميقة الجذور متأصلة في الماضي البعيد 
شوف صوري الفنية السريالية وبعدين احكم
هو تبي الحق…نحس انه يصير مني 
يعني أنا ما أخترتش اني نعزف والا نرسم لأن النواحي هادي أنا وياها مش أصحاب هلبة ” بكل لو تبي الحق” المهم…بس التصوير عندي لمحات موهبية تصويرية…نقول انه نولي ويصير مني..امتى؟ ما تسألش…بس المهم قبل ما نوصل 60 سنة
والأيام بيناتنا ..كان ماتجيني يوم تبيني نوقعلك على صورة من صوري 
..بس ما تخافش اهو نعطيك وعد من توة..تفضل في أي وقت..غر راجي لين نولي مشهورة قبل
ونجو عاد لملاحظتك…يعني ما صدقت شديت عليا حاجة أنا قايلتها بروحي لا وجيبها مسخ لصق…يعني ياللي ما شفتش تعال شوف 
معليش…سيوري بنشد عليك حاجة ووقتها:twisted:
@ هيثم :
الله يبارك فيك هيثم ويسلمك ومنور عالإطراء ..
أهو راصين راصين ما تخافش ولو في حاجات يستحقوا نطلقوا عليهم النار طول من غير إذن
ماهو هلبة عليهم كل شيء سمح الووردبريس، ساد فيهم الكود إز بيت شعر
@ ليبية :
الحمد لله أني وضحت أمتى الكلام موجه ليك وامتى لا كنهذا معاش حزت معاهم بكل
أنا كلي ثقة أن الموهبة موجود فيك لكن بحاجة لتنمية وصقل والعمل عليها بجدية، ومع الوقت سنرى فنانة تدعى ليبية تهتم باللوحات الفريدة والنادرة فقط
إيه صحيح، كل شيء وارد في يومنا هذا، خوفي أنك تجي أنت الأولى تبي توقيع بس < < ثقة عالية
شدي مادام عندك جهد، غير ديري في بالك أني ما نعدلش هلبة بس، يعني بتشدي لين تتعبي
هاي عليكم…طبعا مش حانرد على “التريقة” اللي فوق هادي عادي بيجي اليوم اللي تتمنى تحصل صورة من صوري الفنية النادرة الفريدة الحميدة…الخ وقول قالتها ليبية
غر كنت بنسأل حاجة وحدة بس..وينها الحمامة اللي كيف طالعة 
الصور ممتازة ومكانك ممتاز وغني بمشاهد تستحق التصوير ، هوا صحيح نحنا عندنا شوارع هندي وشوية رملة ولكن انت مكانك فيه مشاهد أكثر فيا ريت تغتنم الفرصه قدر الإمكان لأن “الموهبية” عندك واضحة قوية الكلمة هادي معبرة بصدق في الحقيقة يعني.
ونبيك تنسى الفلاتر في عمليات التصوير المستقبلبة على وزن “موهبية” وخليها طبيعية قدر الإمكان.
نلتقى ،،
@ قاسم:
مشكور عالزيارة والإطراء قاسم، المكان اللي فيه يبي وقت بس، شهرين تأخد خبرة شهور في التصوير لأنك راح تشوف مشاهد ومناظر وطبيعة وكل شيء متجدد يومياً ..
قلت نجرب جو الفلتر على صورة وحدة بس لأنه لقيت الجماعة كله تشكر فيه في المواقع والمنتديات المختصة بالتصوير ..
نشوفك يا كويس
جميل جداً حتى الغروب فى طريق الشط جنب الحفرة معندكش ماتقول فيه
أحسن صورة عجبتنى رقم 4 الطبيعة تكلمت بروحها
دجاااو
@ إيهاب :
أول حاجة الحمد لله على سلامة الوصول، وأكيد حتصير مغامرات مع غروب طريق الشط وغيره من الأماكن الجميلة هناك
وثاني شيء مشكور على مرورك وكلماتك المشجعة
صور كووول وخيآليه
تسلم يالغلا شكلي بمر من هنآ كل يوم
الخامسه مرررره تحطييم
مشكور
كتر من التصوير ترا مرره ذوق تصويرك
2009.02.16